LOADING

Type to search

جهاز صورة الدم : امتى تشترى جهاز صورة الدم CBC فى معملك؟

اجهزة صورة الدم اخر الاخبار

جهاز صورة الدم : امتى تشترى جهاز صورة الدم CBC فى معملك؟

Share

جهاز صورة الدم : امتى تشترى جهاز صورة الدم CBC فى معملك؟

ياريت يا دكاترة تركزوا معانا اوي عشان الكلام اللى هنقولوا هنا مش هتسمعوه فى اى مكان تاني فى مصر ….

امتى حضرتك تكون محتاج جهاز صورة دم CBC فى معملك؟؟

وامتى يكون الجهاز مربح وامتى يخسرك لا قدر الله؟؟

وازاى اختار جهاز صورة دم لمعملي؟؟وايه المواصفات اللى لازم اراعيها فى الاختيار؟؟

وكمان اجيب منيين افضل عروض لاجهزة صورة الدم فى مصر؟؟؟

احنا هنرد على كل الاسئلة هنا فى البوست ده

عشان نساعدك يا دكتور تختار ايه وامتى وازاى؟؟

نبدأ بسم الله : اسمحلى يا دكتور ابدأ معاك من اخر سؤال منيين اجيب افضل العروض للاجهزة؟؟

كان المفروض اننا نقول شركة بست لاب هى افضل مكان تجيب منه عروض عشان هى شركتنا ولازم نسوقلها ولكن لا احنا قررنا نكون حياديين لاقصي درجة عشان الاستفادة للجميع ولوجه الله.

(وإن كان فعلا بست لاب هتوفر لحضرتك افضل عروض)😉😄

فى شركات كتير فى السوق المصري يتوفر لديها توكيلات كتير لاجهزة صورة الدم مع توفر موديلات كتير مختلفة تناسب كل الاحتياجات وكمان بلاد منشأ مختلفة تلبى كل الرغبات.

(هنرجع للنقطة دى تاني)

نرجع لاسئلتنا امتى حضرتك تكون محتاج جهاز صورة دم فى معملك؟؟

فى دكاترة كتير بتحب لما تيجى تبدأ تجهز معملها تجيب جهاز صورة الدم من ضمن الاجهزة الاساسية للمعمل وبالرغم من ان تطور الاجهزة و كثرة المعامل واللى هتجبر حضرتك ان لازم تبدأ بجهاز صورة دم عشان التميز والمنافسة فى توفير خدمة سريعة للمرضي. الا ان جهاز صورة الدم لازم يتعمل له دراسة جدوي خاصة لمدي احتياج المعمل له .

طيب .. امتى يكون الجهاز مربح وامتى يخسرك لا قدر الله؟؟

جهاز صورة الدم جهاز محتلف عن معظم اجهزة المعمل لانه بيشتغل بوحدة محاليل متصلة به باستمرار يتم الاستهلاك منها بمجرد فتح وتشغيل الجهاز او حتى عند اغلاقه. يعنى لازم لما اجي افتح الجهاز لازم يكون عندي عينات كفاية تعوض الجزء المستهلك من المحاليل عند فتح وغلق الجهاز . يعنى مينفعش افتح واقفل الجهاز عشان عينة ولا اتنين فى اليوم ده يبقى استهلاك عالى للمحاليل

بحسبة بسيطة

لو وحدة المحاليل بتكفى 1000 اختبار مع فتح وقفل الجهاز على عينات قليلة لا تتجاوز ال 3 عينات يوميا ممكن الوحدة تكفى عدد اختبارات من 300 – 400 عينة وممكن اقل.

اما اذا كانت عدد العينات 5 عينات فاكثر فممكن وحدة المحاليل تكفي 600-700 عينة تقريبا يعنى كدة تكلفة الاختبار تتضاعف لمجرد ان العينات قليلة بالرغم انه نفس الجهاز نفس المحاليل فى عدد عينات اخرى بيوفر لحضرتك..

فى ناس ممكن مش تهتم بالتكلفة وانها تضاعف لان التكلفة فى الاول والاخير بسيطة ولكن هناك اسباب اخري مهمة زى اهلاك الجهاز وضياع مدة الضمان على عدد وحدات محاليل قليلة بالاضافة الى ان عدد العينات القليلة جدا ممكن يعرض المحاليل للتلف او ترسيب الاملاح اللى ممكن يأثر على جهاز صورة الدم ومكوناته ….

 

وازاى اختار جهاز صورة دم لمعملي؟؟وايه المواصفات اللى لازم اراعيها فى الاختيار؟؟

عشان حضرتك تختار جهاز صورة دم لازم تعرف الفرق بين اجهزة صورة الدم من حيث بلد المنشأ – عدد العينات فى الساعة – عدد غرف العد – محاليل الجهاز مفتوحة ولا مغلقة على نوع معين – تكلفة وحدة المحاليل – مدة الضمان – خدمة مابعد البيع – عدد زيارات المتابعة الفنية للجهاز خلال فترة الضمان – امكانية عمل تعاقد للصيانة بعد فترة الضمان – وطبعا لازم تسمع عن الجهاز وسابقة اعماله ولو امكن تروح معمل عنده الجهاز وتشوف شغله ونتائجه. كل الحاجات دي اساسية وفى مواصفات اخري بس فى مواصفات اخري بتختلف حسب احتياجات المعمل وحسب جهاز واخر.

بس احنا بنضمن لحضرتك انك لو عرفت كل المواصفات دى هتختار جهاز محترم …

اخر حاجة عشان الوقت جري … بس ان شاء الله فى الخير…

ايه هى افضل الماركات فى السوق وايه هو افضل جهاز صورة دم CBC فى مصر؟؟

اجابة السؤال هتلاقيها مختلفة باختلاف الشركات والمنتجات كل شركة هتقول لحضرتك ان جهازها هو افضل جهاز فى مصر .

وفى شركات هتحاول تسواء اجهزة اخري منافسة عشان يبقى الجهاز بتاعهم يبقى الافضل…. للاسف.

احنا فى بست لاب للتجهيزات المعملية هنقول لحضرتك ان افضل جهاز فى مصر هو الجهاز اللى تتطبق عليه كل المواصفات اللى ذكرناها سابقا حسب احتياجات المعمل.

بالاضافة الى افضل سعر … يعني مش هنقول لحضرتك اشترى جهاز بعينه …

لا احنا هندرس مع حضرتك من البداية مدي احتياجات معمل حضرتك لجهاز صورة دم بالورقة والقلم . وبعدين نرشح عدة اجهزة من اكبر التوكيلات العالمية تناسب احتياجات معملك وكمان هنقدم لحضرتك افضل عروض اسعار للاجهزة فى مصر.

 

(((مع العلم اننا لو لقينا ان حضرتك مش محتاج جهاز صورة دم حاليا هنعرفك)))

(((بغض النظر اننا نبيع او لا لان دي امانة ممكن غيرنا مش يراعيها)))

 

كنا ممكن نذكر ماركات وموديلات من الاجهزة بالاسم بس عشان احنا يهمنا الحيادية وعدم تزكية ماركات على ماركات اخري ,حفاظا على التنافسية ولان فى فى السوق اجهزة كتير تستحق الثقة منها القديم فى السوق ومنها الجديد اللى مع الوقت بيثبت كفائته.

 

لو حابب حضرتك تسمع ماركات او عروض اسعار او للرد على اى استفسار

يسعدنا الرد على كل اسئلتكم …

ومتنسوش تدخلوا على صفحتنا على الفيس بوك عشان تعرفوا كل المعلومات اللى محتاجنها لمعملكم
عن احدث الاجهزة والكيمياويات والمستلزمات والدورات التدريبية وتسويق طبي.
صفحتنا مش بيع وشراء وبس صفحتنا موسوعة علمية متخصصة فى مجال التحاليل الطبية.

www.facebook.com/bestlab

شركة بست لاب للتجهيزات المعملية
العنوان : 21 ش المواردي من ش القصر العيني القاهرة – مصر

الخط الساخن : 01204757777

للتواصل عبر الوتساب : https://goo.gl/MhVic2

لوكيشن الشركة : https://goo.gl/fPUuku

نموذج التواصل لاى استفسارات
https://www.best-lab.org/contact-us/

 

#تجهيز_معمل #جهز_معملك #معمل #اجهزة_معمل #تحاليل_طبية #بست_لاب

#صورة_دم #CBC #Cell_Counter #عد_الدم

Tags:

You Might also Like

Leave a Comment

Your email address will not be published. Required fields are marked *